علشان تطولي شعرك مش هتحتاجي غير بخاخه ( س و ج )

الإثنين فبراير 18, 2013 4:01 pm

<img alt="علشان تطولي شعرك مش هتحتاجي غير بخاخه ( س و ج )" border="0" onload="if(this.width > 700){this.width=700}" src="http://files2.fatakat.com/2012/1/13272984861156.gif"> السلام عليكم ورحمة الله وبركاته هلا وغلا وسلة حلا علي احلي فتوكات لاحلي منتدي انا جايلكم النهارده في الموضوع ده علشان ارد علي اسئلتكم في موضوعي الاساسي ده <a href="http://adf.ly/330861/http://forums.fatakat.com/threadp97558896&posted=1#post97558896" id="link"> http://www.pubd3m.com/f3-montadashowthread.php?p=97558896&posted=1#post97558896 </a> وعاوزه اقولكم فيه فتوكات كتير جربوا وصفتي وانبسطوا بيها اوي وجابت معاهم نتيجه ومعلش لو كنت قصرت في الاجابه علي الاسئله والله غصب عني كنت تعبانه اوي لاني كنت بفطم ابني والله لا يوري حد اللي انا كنت فيه كنت بموت بس الحمد لله كله بيعدي نيجي بقي <a href="http://www.pubd3m.com/f3-montada" id="link">للاسئله</a> <div align="center"> 1- هو الروز ماري ده اجيبه منين وبكام ؟ </div> ج- الروز ماري ده عشبه انا بستخدم الجافه منها وبنستخدمها كتير في الطبخ وبجيبها من عند العطار باي كميه انتي عاوزاها وهو معروف باسم اكليل الجبل برضه وهو بيشبه حبة الكمون بس اطول منها شويه ولونها علي زيتي فاتح وريحتها تحفه انا عن نفسي بحبها مش عارفه بالنسبه ليكم ايه وبتروحي تقولي للعطارعاوزه روز ماري بيديلك بجينه باتنين بخمسه اللي انتي عوزاه <div align="center"> 2 - هو جوز الهند ده مبشور ولا ايه ؟ </div> ج - ايوه جوز الهند مبشور اللي هو بتاع رمضان اللي بنحطه للكنافه والقطايف اكيد كلنا عارفينه واللي مش عارفه بيتجاب منين هو بيتجاب من عند اي عطار او سوبر ماركت انتتي وراحتك وبتجيبي اللي الكميه اللي انتي عوزاها برضه <div align="center"> 3- بنحط كام معلقه من الحاجات دي ؟ </div> ج- بنحط معلقه من ده ومعلقه من ده في كباية ميه ونحط عليهم ميه سخنه ونغطيهم ونسيبهم يتنقعوا يعني مش بنخليهم خالص علشان الروز ماري فيه زيوت طياره بتضيع مع الغليان وبيبقي مش مفيد اوي <div align="center"> 4- طيب بنصفيه لما بنستخدمه وبنعمله كل يوم ؟ </div> ج- ايوه طبعا بنصفيه مش هنحطه في بخاخه وانتي وراحتك لو الكبايه فضل فيها مش شرط تعملي كل يوم <div align="center"> 5- طيب هو عادي لو حطناه بره علشان احنا في الشتا ولا نحطه في التلاجه ؟ </div> علشان احنا في الشتا والدنيا عامله زي التلاجه فلو اتحط بره التلاجه مش هيجراله حاجه خالص انما لو كنا في الصيف اكيد هنحط في التلاجه <div align="center"> 6- طيب بنلاقي طبقه عامله زي السمنه كده علي وش الكبايه بعد لما بيبرد ؟ </div> <div align="right"> ج- ده من جوز الهند بيطلع الزيوت اللي فيه مع الميه السخنه وده زيت طبيعي بيتجمد في الشتا </div> وانتي لو مضايقه منه او شعرك دهني بلاش منه خالص علشان ما يعمليكيش قشره <div align="center"> 7- شعري لما عملت الوصفه دي نشف اوي ؟ </div> ج- انتي بتحطي علي شعرك ميه صحيح هي منقوع اعشاب لكن في الاول والاخر دي ميه فلما تحطيها علي <a href="http://www.pubd3m.com/f3-montada" id="link">شعرك</a> وتغرقيه زي ما بعض البنات بتعمل وتسبيه في الهوا لازم شعرك ينشف علشان كده لما تعملها حاولي ماتغرقيش شعرك واللي يهمنا فروة الراس بس وبعد ما ترشي علي شعرك ابقي هاتي نقطين زيت او كريم او سيروم من بتاعك نقطتين بس ان شاالله زيت اكل انتي حره وادهني شعرك مش هينشف ولا هيهيش <div align="center"> 8- بحطه علي شعري قد ايه وبغسل شعري كل اد ايه ؟ </div> ج- اغسلي شعرك في ميعاده عادي خالص لان اللي علي شعرك لا خلطه ولا زيوت دي ميه زي اللسيون كده مفيهاش ضرر لو سبتيها علي شعرك وخاصة لو حاطه روز ماري بس <div align="center"> 9- ايه هو سيروم روزاليا ده واجيبه منين ؟ </div> السيروم ده عامل زي الزيت كده بس مش دهني اوي وفيه منه انواع كتير انا اللي كتبهولي الدكتور هو روزاليا ده في نوع تاني اسمه زيرو فريز بس اناعمري ماجربته انا بحب روزاليا وهو بيعالج الشعر المجهد والجاف وانا كنت بستخدمه من زمان من قبل الوصفه دي ومرتاحه معاه اوي بحطه مرتين بس في الاسبوع او بعد كل غسله لشعري زي ما هو مكتوب علي العلبه مش بحط اكتر من كده ولو مش عندك السيروم ده مش ضروري انا بس قولته علشان احكي الي حصل معايا بالظبط وبجيبه من اي صيدليه ب 38 جنيه <div align="center"> 10- بتعملي الكحكه لقدام قد ايه ؟ </div> انا عن نفسي مش بستحملها فتره طويله بالكتير نص ساعه وافكها وساعات بالف شعري دوامه <div align="center"> 11- شعري طول اد ايه في اد ايه او كام سنتي ؟ </div> ج- طبعا انا مش عارفه كام سنتي بس الي اقدر اقوله ان شعري ما كنتش بعرف اربطه خالص دلوقت ماشاء الله تبارك الله في نص ضهري الحمد لله <div align="center"> 12- مين قالي علي <a href="http://www.pubd3m.com/f3-montada" id="link">الروز ماري</a> ؟ </div> ج - في برنامج امينه شلبايه كانت جايبه خبيرة تجميل اسمها مني رزق علي ما اتذكر وكانت بتتكلم عن العشبه دي وقالت ان الفراعنه كانوا بيستخدموها ولما عملت سيرش علي النت لقيت فوايد ليها كتير <div align="center"> 13- ينفع يتعمل لبنات صغيره ؟ </div> ج- طبعا في السن الصغير انا مش بحب اي حاجه تتعمل للاطفال الصغيره دي لانهم في مرحلة نمو واكيد جسمهم كله بيتغير مش بس شعرهم فلاحسن بلاش <div align="center"> 14- لو معنديش السيروم ده عادي ولا بتفرق ؟ </div> لا مش بتفرق عادي حطي اي حاجه ان شاالله زيت من بتاع التموين هههههههههههه <div align="center"> 15- فيه حد جرب الوصفه دي وجاب نتيجه ؟ </div> والله فيه بنات كتير بعتولي انهم انبسطوا اوي من النتيجه وبرضه بنات اشتكوا فانتي وراحتك برضه انا نقلت تجربتي بكل امانه والبنات دي تجاربهم في قلب الموضوع الاساسي ممكن تشفوهم اي استفسارات تانيه يا بنات انا في الخدمه واعذروني علي التقصير في الرد وارجو من المشرفه انها تحط رابط الموضوع ده ف الموضوع الاصلي علشان مبقاش ينفع اعدل في الموضوع معلش هاتعبك معايا