بعد ماطحنت قشر اليوسفى عملت كب كيك الشيف حسن

<p>بدايه الكلام السلام عليكن ورحمه الله وبركاته <br> زى العنوان ما بيقول بعدما ضربت قشر اليوسفى <br> والبرتقال فى الكبه عملت احلى كب كيك ممكن تدوقيه <br> فى حياتك والفضل لله ثم للشيف حسن بس سامحونى لسه ما اتعلمتش انزل صور <br> بس حقلوكو المقادير البسيطه جدا جدا وحتديكى ان شاء الله <br> نتيجه تحفة جدا جدا بصى يا ستى حتجيبى 3 بيضات مع <br> 125جرام سكر بودره و125 ملىزيت نباتى ومعلقه صغيره <br> من قشر البرتقال واليوسفى اللى طحناه وبحط كمان باكو فانيليا ونضربهم كويس فى <br> الخلاط وبعدين نضيفهم على125 جرام دقيق منخول مع معلقتين لبن بودره <br> ومعلقه كبيره بيكنج بودر وتكونى محضره القوالب او اى قالب عندك <br> وتدخليهم الفرن الحراره 180 وبعد حوالى عشر دقايق وطى الفرن شويه <br> عشان ميحمرش بسرعه من تحت وخدى باللك مبياخدش وقت كتير فى الفرن <br> وان شاء الله حتدعولى كل اللى بيدوقو عندى بيسالنى ع الطريقة <br> وبيعجبه جدا واللى يعجبها يا ريت تقيمنى وتدعيلى دعوه حلوه بظهر الغيب <br> والله ضهرى وجعنى قوى على ما كتبتلكو الوصفه والسلا م عليكم</p>