لعب على القلب

+
----
-
انسب, بعدة, عليه, نسرق, قلبي

بغيت انصب عليه وسرق قلبي ..!

-

مساءكم طيبه وصحه وكل ابو شيء ذذ ،
قصه بقلمي المتهالك الصايع ض1 ذذ



القصه تدور عن رجل وسيم اسمه تركي يبلغ من العمر 29 عاما
نصاب كبير وحق بنات ويستعرض فيهم عند خويانه
وماعمره حب بنت شغلته كانت نصب في نصب ،
يقول للبنت احبك وتخق معه وتطيح في شباكه
في يوم مآ تعرف تركي ع بنت اسمها رنيم بالسوق ورقمها ،
بدا اول اتصال بينهم ...:ـ

تركي كان جالس مع خويانه بالقهوه
ويدق جواله رقم غريب وغير مخزن عنده

رد ..:
تركي : الو
رنيم : اهلين
تركي : هلا فيكِ مين معي ..!ـ
رنيم : انا رنيم عطيتني رقمك بالسوق نسيت ..؟
تركي : هلا رنيم وشلون انساكِ مشغله بالي من يومين توقعت ماراح تتصلين ..
رنيم : لا مااخذت الرقم الا من شان اتصل عليك وكاني اتصلت ..
تركي : صوتك حلو رنيم ..
رنيم : وصوتك بعد حلو
تركي : بتصل عليكِ اخر الليل لاني حيل مشغول الان
رنيم : اوكِ باي
تركي : باي


بعد ان اغلق كل منهم هاتفه الجوال
وضع تركي يده تحت ذقنه والتفت ل اصدقائه وقال ـ

وهاذي وقعت ب شباكِ احسها خفيفه حيل ي عيال بطلع من وراها فلوس ودراهم

رد احد اصدقائه : تركي انت لحد الان بهل الحال ورا ماتتزوج ماتخاف الله في بنات الناس

تركي : ي ولد وش حقه اتزوج واعذب نفسي واجيب عيال واصرف عليهم ..!

ملاحظه : تركي شاب مهمل ماسك وظيفه لكن يطير قروشه صحيح انه سافل وحقير مع البنات وياخذ فلوسهم بالنصب بس عمره ماهدد بنت ب اي شيء وعمره مانام مع بنت كان اهتمامه الوحيد انه ياخذ فلوس من وراهم بس ويستعرض فيهم ..:

خرج تركي من المقهى وذهب الى بيته دخل ل غرفته واغلق الباب وبدا يستدرج رنيم بكلامه المعسول ..!
حتى ان رنيم بدات ترسم مستقبلها معه وبدات تبني الاحلام بوجوده ..!

مرت ثلاث شهور وهم يتحدثون بشكل يومي لساعات ..!

في يوم مآ من ليله بدا تركي ب الاستعداد لنصب شباكه ..

رن جوال رنيم ..

رنيم : هلا حبيبي ...،

تركي : هلا قلبي

رنيم شفيه صوتك كانه مو ع بعضه

تركي : كيف لا مافي شيء ..!

رنيم : حبيبي شفيك قولي مو انا قلبك وروحك ممكن اقدر اهون عليك

تركي : ليت تقدرين انا في نكبه ومصيبه كبيره ي رنيم مااعرف وشلون اطلع منها ..!

رنيم : بسم الله عليك نكبة شنو ي قلبي

تركي :مصيبه كبيره انا مدييون ب مبلغ كبير قيمته 50، الف ريال واذا ماعطيتهم حقهم خلال يومين بنسجن المشكله ي رنيم ماعندي وطلبت ابوي وطردني من البيت وشاتني للشارع ..

رنيم : اوف ليه مايساعدك مو ابوك هو ليه الناس صارو كذا < ع نياتها المسكينه

تركي : ابوي بخيل يموت ولا يدفع هل المبلغ انا بنسجن خلاص

رنيم : تركي

تركي : هلا ،

رنيم : عندي مبلغ 45 الف مجمعته من راتبي ابيك تاخذه وتسدد فيه ديونك ووقت مايكون المبلغ معك رجعه لي عادي لو بعد سنوات

تركي : شنو تقولين انتي من جد مالك داعي لو اموت مااخذ فلوس بنت < ملعون والدين

رنيم : حبيبي فلوسي هي فلوسك وبعذين لو انسجنت مافي احد ابنى احلامي معه وابيك جنبي مو بعيد وبعذين هي مو لك ي الصايع ادري انك ماراح تقبلها بهل الطريقه وقت مايتوفر معك المبلغ رده لي ...!

شات
،
منتدى


تركي : والله مدري شقولك بس الوكاد اني منحرج منك ومااعرف بشنو ارد عليكِ < ي ابن اللذينا ذذ

رنيم : وين اشوفك واعطيك المبلغ ..!

تركي : بكرا بِ مقهى اتصل عليكِ واعلمك بمكانه ..

رنيم : اوك قلبي ..!



تقابلو في المقهى وجلسو بجانب بعض واخذ تركي مبلغ النصبه من رنيم
وبعد ان جلسو لساعات طويله ..

ذهب كل منهم ل بيته ..! ـ

تركي كان سعيدا بالمبلغ الذي نصب به رنيم واتصل ع احد اصدقائه ..!

تركي : الو ابو عزوز شحالك

ابو عزوز : هلا تركي بخير جعلك سالم ..!

تركي : اقولك بدون مقدمات معي مبلغ كبير وبروح ايطاليا اتفسح تجي معي ع حسابي ..؟

ابو عزوز : ياخي حرام عليك بكم نصبت ع المسكينه حرام عليك رجع لها فلوسها ماتخاف تموت بهل السفره بفلوس حرام ..؟

تركي : تدري الغلط مب عليك الغلط علي ي الخبل انا ابيك تخاويني مو تقول هل الكلام اقولك اذلف عني طوط طوط < قفل الجوال ..!


في اليوم التالي خرج تركي للمطار واخذ اول طائره متجهه ل ايطاليا للسياحه بفلوس رنيم ..!

في الجهة المقابله ظلت رنيم تتصل ع تركي لتسمع ( ان الجوال المطلوب غير موجود بالخدمه مؤقتاا نرجو ..)
و ع هاذي الحال ظلت اسبوعان ..!

عاد تركي من ايطاليا بعد ان بعثر المال كله ولم يبقى بجيبه ريالا واحد ..!
شغل جواله وحصل مكالمات ل رنيم تعدت حاجز 300 اتصال ،

ظل يفكر بِ طريقة ما كِ يخرج نفسه من هاذي الورطه ..
فجأهـ رن الجوال رنيم تتصل ..!
استجمع افكاره الملعون ورد ..!

رنيم : الوو اخيرا رديت فجعتني عليكِ وينك من اسبوعين ..!

تركي : ياارب سامحني ع هل المكالمه مافعلتها الا للنصيحة لها ..!

رنيم : وش فيك انت ...؟

تركي : يااختي رنيم والله ثم والله مانحن الا ع ظلاله زينها لنا الشيطان ف سبحان الله ربكِ وربي اراني طريق الحق من تجربه مررت بها منذ الاسبوعان ..!

رنيم : .....................!!

تركي : كلنا نعلم ي اخت رنيم اننا نغضب الرب ب سلوكنا هذا الطريق المزين من قبل الشيطان .. اخطئنا كثيرا ب اتباعه لننظر مثالا لكِ مانظرت آهلكِ لكِ لو اكتشفو امرنا الا تعتقدين بِ اننا لانفكر الا ب انفسنا .. انتي فتاة تربت ع اخلاق جميله واصيله وانا اتيت وقلبت تفكيرك بما يحبه الشيطان اهئ اهئ يارب سامحنا < بصوت باكي وحزين ..!

رنيم : انت من جدك تركي ...؟

تركي : انا التزمت الان ب ديني وعرفت طريق الحق واتمنى ان تسلكي طريقي ايضا هداكِ الله ي اختاه المعذره س اقفل الان ولن ارد ع اتصالتك مجددآ افيقي افيقي من غفلة الشيطان وخافي الله < ي تسلب

طوووط طوووط قفل الخط

استغربت رنيم من كلام تركي ولم تفكر ابدا ب ان تركي قد اوقعها بفخه بل اخترعت له الاعذار
وظلت تتصل عليه مرار وتكرار ولم يرد عليها ..!
ارسلت له رساله جاء بها ..!
( تركي اوكِ الله يهديك ويهدينا يارب ويثبتك بكيفك اذا ماتباني وانا خلاص كرهتك بصراحه ابي فلوسي
اللي عطيتك هي ي تركي )

رد عليها تركي ب رساله

( هدانا الله واياكِ اجمعين سامحينا بما اخذنا وسنكون مقدرين وشاكرين لكم هداكِ الله واصلحك ) ذذ

وكانت اخر رساله بينهم ..!!

مرت ثلاث شهور ..!

رن جوال رنيم ..!

رنيم : الو

.... : هلا رنيم يوووه من زمان عنك ي حيوانه ...!

رنيم : احترمي نفسك لو سمحتي ومين انتي اصلا .؟

... : اوووه نسيتي ايام المتوسطه والثانويه ي حماره ..؟

رنيم رفعت حواجبها : لاتكونين بس سآره ي حيوانه ..

ساره : ههههههههههههههه عرفت انك ماتنسين صاحبتك الحبيبه ..

رنيم : هلا ياقلبي وينك ووين ايامك ي خبله وكيف جبتي رقمي

ساره : رقمك اخذته من خالتك امس عرفت انها تقرب لكِ وهي لها معنا بالمستشفي اربع شهور ..!

رنيم : انتي معها موظفه بالمستشفي ..؟

ساره : انا صرت دكتوره ومو اي دكتوره استشارية اعصاب ونفسيه .. < تستعرض ض1

رنيم : نصابه ي حماره قولي والله ..

ساره : اقولك ابي اشوفك الليله وش رايك اجيكٍ البيت ..

رنيم : اوكِ

ملاحظه ( ساره كانت صديقة رنيم الروح بالروح وكانت مرجوجه من صغرها وحتى وهي كبيره بس هل البنت مصيبه عليها ذكاء حاد جدا وتطلع نفسها من اي ورطه تطيح فيها بسهوله وفيها جمال سبحان الخالق رغم منظر البلاهه
المصطنعه التي تبدو عليها الا انها تتمتع ب ذكاء حاد جدا ، ابوها يمتلك اكبر الشركات المستورده للعطور ومليونير وبعض الاوقات تمسك مكان ابوها اذا تعب او مرض او احتاج ل بعض الراحه .. يعني البنت كفو وعن مية رجال )

وصفت لها رنيم موقع منزلهم واتت ساره للمنزل متحمسه للقاء صديقة الطفوله بعد مرور ست سنوات ع فراقهم ل بعض ..!

ترن ترن < ساره ضاغطه ع الجرس

عرفت رنيم انها ساره وجرت للباب تفتحه ..!

رنيم : هلا هلا باللي نور بيتنا توه هلا ب صديقة عمري ..!

ساره : انثبري زين قالت نور بيتنا بيتك منور بطخة وجهك ي بعد تسبدي انتي

ضيفتها رنيم وجلسو ع الكنب يتراشقون الذكريات الماضيه ..

ساره : طيب قولي لي وش سويتي بحياتك وكيف الدنيا ماشيه معك ..

رنيم : ااااه ي ساره لو تدرين وش صار لي

ساره وهي تاكل فصفص : خير قولي لي وش صار ..؟

حكت لها رنيم قصتها مع تركي من طقطق ل سلام عليكم ،

رنيم : وهذا اللي صار ي ويختي الوكاد اني كنت ابني معه احلامي بس تطوع وكرهني ..

ساره : هههههههههههههههههههه انتي مصدقه لحد الان انه تطوع هل النصاب ..

رنيم : ايه تطوع لو تشوفين كلامه كله صار دين في دين ..

ساره : ي حبني لكِ انتي طيبه وتصدقين اي شيء من كلامك عن تصرفاته عرفت انه نصاب الرجال ضحك عليكِ ولهط المبلغ وخلاص ماراح يستفيد منك بشيء ف اخترع هل العذر الواهي وانتي كنتي فريسه له وطحتي ومحد سما عليكِ هذا انسان نصاب

رنيم : كنت حاسه وربي بس قلت يحبني هو ومستحيل يسوي هل الشيء < والله انك خبله ض1

ساره : اقولك هل المبلغ بيرجع لكِ رقمه عندك ،

رنيم : وشلون يرجع ايه رقمه حافظته بس وش بتسوين ..!

ساره : لاتسئلين مو قلت لكِ اني استشارية اعصاب ونفسيه وهل الرجال عارفه طبعه زين راح اسحبه لكِ تسحيب بس عطيني رقمه



-------------------------------------------------------------------------------------------------

في الجزء الثاني بتشوفون ساره المرجوجه وشلون قدرت تطلع ضعف المبلغ من تركي وترجعه ل رنيم ب ذكاء الاستشاريه النفسيه
ووشلون تسحب تركي بعد ماكان يسحب في البنات ..!
بس صار شيء ل ساره قلب حياتها فوق تحت ...
شيء ماتوقعته ابد مع تركي ..!!

للمعلوميه فقط ...!
لست كاتبا ابدا ولا راوي مجرد ثرثره مع دفتري وقلمي وخيالي ،
وسلكو لي اوكِ ذذ


وش كنت بقول ونسيت ذكرني يارب ذكرني والله نسيت :( ،
ايه الجزء الثاني مدري اطرحه بنفس الموضوع او بموضوع منفصل عنه :)
المصدر: منتديات حبي -!!~~ WwW.7be.CoM ~~!! - من قسم: قصص واقعية -القصص - الروايات -قصص طويله

شكرا لك

مشكور

شكرا لهذا الطرح انه فعلا رائع


سلمت يداك .#